यो जाडोमा न्यानोपन र आशाको वितरण

जाडोयाम विपन्न समुदायका लागि विशेष चुनौतीपूर्ण समय हो। विशेष गरी आर्थिक रूपमा कमजोर परिवारका विद्यार्थीहरूका लागि यो मौसम झन् कठिनाइपूर्ण हुन्छ। दाङ देउखुरीका गरिब परिवारका बालबालिकाहरूलाई चिसोले पिरोल्ने मात्र होइन, विद्यालय जान असम्भवजस्तै परिस्थितिको सामना गर्नुपर्छ। बाक्लो कुहिरोले छोपिने बिहान र कमजोर घामले निकै चिसो वातावरण बनाउँछ। यस्तो अवस्थामा, न्यानो कपडाको अभावले विद्यार्थीहरू विद्यालय जानसक्ने अवस्थामै नरहने गर्दछ। चिसोका कारण विद्यालयमा उपस्थिति घट्नु र शैक्षिक उपलब्धिमा गिरावट आउनु सामान्यजस्तै भएको छ।

यस्ता चुनौतीहरूलाई मध्यनजर गर्दै, क्रियटिङ पोसिबिलिटिज नेपाल (सिपी नेपाल) ले दाङ देउखुरीका बालबालिकाहरूको शिक्षा सुनिश्चित गर्नका लागि विभिन्न पहलहरू सुरु गरेको छ। सिपी नेपालको उद्देश्य हो— कठ्याङ्ग्रिदो जाडोका कारण कुनै पनि बालबालिकाको शिक्षा प्रभावित नहोस्।

गढवामा न्यानो कपडाको वितरण: उज्यालो भविष्यतर्फको कदम

पौष २१ गते गढवा गाउँपालिकाको सहकार्यमा, सिपी नेपालले गढवा, दाङका चार सामुदायिक विद्यालयका ४०० भन्दा बढी विपन्न विद्यार्थीहरूलाई न्यानो कपडा र शैक्षिक सामग्री वितरण गर्‍यो। बाल विकासदेखि कक्षा ५ सम्मका विद्यार्थीहरूलाई लक्षित यो पहलले विद्यार्थीहरूलाई जाडोमा पनि नियमित विद्यालय जाने प्रेरणा दिएको छ।

कार्यक्रममा गढवा वडा नम्बर १ का अध्यक्ष बाबुराम अधिकारी लगायतका जनप्रतिनिधि, शिक्षक, र स्थानीय प्रतिनिधिहरूले उपस्थिति जनाएका थिए। उनीहरूको उपस्थितिले सामुदायिक सहयोग र समर्पणको महत्त्वलाई उजागर गर्‍यो।

विद्यालयस्तरीय वितरण विवरण

सिपी नेपालले गढवाका चार विद्यालयमा अध्ययनरत विद्यार्थीहरूलाई सामग्री वितरण गर्दै सबैभन्दा आवश्यक सहयोग पुर्‍याएको छ:

बाल विकास बौराहा
- यहाँका १५ जना विद्यार्थीलाई न्यानो कपडा र स्टेशनरी सामग्री प्रदान गरियो।
बाल विकास जेठानगाउँ
- यो विद्यालयका २० जना विद्यार्थीले न्यानो कपडाको सुविधा पाए।
आदर्श प्राथमिक विद्यालय, बडहरा
- यहाँका १३३ जना विद्यार्थीले न्यानो कपडा प्राप्त गरे।
आधारभूत विद्यालय, बनघुस्री
यस विद्यालयका ११७ जना विद्यार्थीहरूलाई न्यानो कपडा र १२६ जना विद्यार्थीहरूलाई स्टेशनरी सामग्री प्रदान गरियो।
आदर्श प्राथमिक विद्यालय, बडहरा

यस वितरण कार्यक्रमको कुल तथ्यांक:

२८५ जना विद्यार्थीलाई न्यानो कपडा प्रदान गरियो।
१४१ जना विद्यार्थीलाई स्टेशनरी सामग्री उपलब्ध गराइयो।

यो प्रयासले विद्यार्थीहरूलाई जाडो मौसममा विद्यालय नियमित गर्न प्रेरणा दिने विश्वास गरिएको छ। आर्थिक अभावले शिक्षामा पर्ने अवरोधलाई हटाउँदै, यसले विद्यार्थीहरूको शैक्षिक उन्नतिमा महत्वपूर्ण योगदान पुर्‍याउनेछ।

सामुदायिक एकताको शक्ति

सिपी नेपालका महिला सशक्तिकरण संयोजक सरिता चौधरीले भनिन्, "यो प्रयास केवल न्यानो कपडा वितरणको मात्र होइन, यो विद्यार्थीहरूको आशा र भविष्य निर्माणको प्रयास हो। जाडोयाममा शिक्षा निरन्तरता र उनीहरूको समग्र विकासको सुनिश्चिततामा यो कार्यक्रम मीलको ढुङ्गा सावित हुनेछ।"

आगामी लक्ष्य: सशक्त समुदाय निर्माण

यो पहलले सामुदायिक सहकार्यको शक्ति र साना प्रयासले पनि ठूला समस्याहरू समाधान गर्न सकिने देखाएको छ। क्रियटिङ पोसिबिलिटिज नेपालले यस्ता कार्यक्रमहरूलाई वर्षभर निरन्तरता दिने र विपन्न समुदायलाई अझ सशक्त बनाउने प्रतिज्ञा गरेको छ।

हामी सबै मिलेर परिवर्तन सम्भव बनाऔं

जाडोयाममा अभाव झेलिरहेका विद्यार्थीहरूको समस्या समाधान गर्ने प्रयासमा प्रत्येक सानो सहयोग महत्त्वपूर्ण हुन्छ। सिपी नेपालले न्यानो कपडा वितरणदेखि शैक्षिक सहयोगसम्मका पहलमार्फत विपन्न समुदायका बालबालिकाको जीवन परिवर्तन गर्ने विश्वास राख्छ। यो जाडोमा, हामीले प्रमाणित गर्‍यौं कि समुदाय एक भएर अघि बढ्दा कुनै पनि चुनौती असम्भव हुँदैन। हामी सबै मिलेर प्रत्येक बालबालिकालाई सिक्ने, बढ्ने, र फस्टाउने अवसर दिन सक्छौं।